Ölkədaxili əməkdaşliq

Fakültədə müntəzəm olaraq elmi seminarlar fəaliyyət göstərir və bu seminarlarda yalnız fakültə əməkdaşları deyil, eyni zamanda digər fakültələr və elmi-tədqiqat müəssisələrinin əməkdaşları da iştirak edirlər.

Tətbiqi riyaziyyat və kibernetika fakültəsində 2019-cu il tarixində həyata keçirilən Start-up və beynəlxalq layihələr haqqında məlumat aşağıdakı kimidir:

1. Erasmus+ proqramının KA2 fəaliyyəti çərçivəsində “Partnyor Universitetlərdə mobil applikasiyaların və oyun dizaynı üzrə magistr proqramlarının inkişafı” - MAGUS (Developing Master programmes in Mobile Applications and Game Design at partner universities) layihəsi. Layihənin məqsədi Bolonya müddəalarına uyğun olaraq magistr proqramının hazırlanması, İnformasiya texnologiyaları, proqramlaşdırma, təhsil sahəsində keyfiyyətin artırılması, Azərbaycan məzunlarının işlə təmin olunmasıdır. Layihənin sonunda müəllimlərin yeni bilik və vərdişlərə, tələbələrin professional bacarıqlara yiyələnməsi və şəxsi startaplara başlaması mümkün olacaq. Layihə İsveçin Linköping Universiteti ilə  tərəfdaşları Toomar Politexkin İnstitutu (Portuqaliya), Derbi Universiteti (Birləşmiş Krallıq), Tallin Universiteti (Estoniya), Cənub Federal Univrsiteti (RF), Həştərxan Dövlət Universiteti (RF), Voronej Dövlət Universiteti (RF), BDU (Azərbaycan), Bakı Mühəndislik Universiteti (Azərbaycan), Azərbaycan Dövlət Neft və Sənaye Universiteti (Azərbaycan) tərəfindən reallaşdırılır. Bakı Dövlət Universiteti 2018-ci ildən bu layihəyə qoşulmuşdur. Layihənin rəhbəri akademik Məhəmməd Mehdiyevdir.

2. Hər ilin may ayında Bakı Dövlət Universitetinin Tətbiqi riyaziyyat və kibernetika fakültəsində ənənəvi olaraq L.Zadə günləri keçirilir, tələbələrin hazırladıqları Startup İnnovativ layihələrin müsabiqəsi olur və bu müsabiqədə fakültə  tələbələri innovativ layihələrlə iştirak edirlər. Qalib komandalar sponsorlar tərəfindən qiymətli hədiyyələrlə mükafatlandırılırlar. Fakültədə hər həftə İKT sahəsində tələbələr üçün Startupİnnovativ layihələrin hazırlanması seminarı keçirilir. Seminara İnformasiya texnologiyaları və proqramlaşdırma kafedrasının baş müəllimi Fuad Qurbanov başçılıq edir.Bu seminar  nəticəsində tələbələr tərəfindən hazırlanan layihələr beynəlxalq yarışmalara təqdim olunur. Tələbələrin hazırladıqları innovativ layihələr əmək bazarının nümayəndələri (SİNAM, İDRAK, RİSK) və Tətbiqi riyaziyyat və kibernetika fakültəsi müəllimlərindən təşkil olunmuş komissiya tərəfindən qiymətləndirilir və bu layihələrdən biri  Kiyev şəhərində keçirilmiş Golden Byte adlı beynəlxalq yarışmasında gümüş medala layiq görülmüşdür.

3. Yüksək texnologiyalar sahəsində dövlət, elm, təhsil, biznes və vətəndaş cəmiyyəti əlaqələrinin gücləndirilməsi üçün fakültə daxili dəyirmi masalarla yanaşı, elm üzrə AMEA-nın İnformasiya Texnologiyaları institutu ilə, biznes üzrə Sinam şirkəti ilə mütəmadi olaraq dəyirmi masalar keçirir.  İngiltərədə fəaliyyət göstərən Halal Booking şirkətinin prezidenti, tətbiqi riyaziyyat və kibernetika fakültəsinin məzunu, Azərbaycanlı mütəxəssis Elnur Seyidov 2019-cu ilin aprel ayında Bakıya BDU-ya gəlmiş və fakültənin tələbələri ilə görüş keçirmişdir. Hazırda fakültə Halal Booking şirkəti ilə əməkdaşlıq etməkdədir.

Əlaqə
33, Academician Zahid Khalilov st., AZ 1148, Baku, Azerbaijan
Tel.: (+99412) 538 25 18 trk@bsu.edu.az
Rektora müraciət

Əziz tələbələr, Rektora sualınız, təklifiniz yaxud şikayətiniz varsa, müraciət edə bilərsiniz.

Rektora müraciət